Birinci vitse-spiker ermənilərin Qarabağa dair iddialarına cavab verib
  • QARABAĞ VƏ ŞƏRQİ ZƏNGƏZUR

  • 15:15 24 May 2019

Birinci vitse-spiker ermənilərin Qarabağa dair iddialarına cavab verib

“Dağlıq Qarabağ münaqişəsi 1988-ci ilin fevralından başlamayıb”.

ONA-nın məlumatına görə, bunu bu gün Milli Məclisdə Yeni Azərbaycan Partiyası Gənclər Birliyinin üzvləri ilə görüşdə “Azərbaycanda təhlükəszlik sistemi. Dağlıq Qarabağ münaqişəsi və onun həlli həlli yolları” mövzusunda çıxış edən Mili Məclisin sədrinin birinci müavini, parlamentin Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov bildirib.

Z. Əsgərov deyib ki, ermənilərin 200 il ərzində Azərbaycana qarşı ərazi iddiaları olub: “Ermənilər Qafqazın aborigen xalqı deyil, gəlmədir. Azərbaycan 1919-cu ildə Millətlər Liqasına üzvlük üçün müraciət edib, 1920-ci il yanvarın 12-də Azərbaycan tanındı. Ermənistan da müraciət edib, ancaq Millətlər Liqası qəbul etməyib. Çünki Ermənistanın ərazisi yox idi. O vaxt 20 dövlət Azərbaycanı de-fakto tanıdı”.

Milli Məclis sədrinin I müavini nəzərə çatdırıb ki, Ermənistan 1918-1920-ci illərdə də Dağlıq Qarabağın Azərbaycanın ərazisi olmadığı iddiası ilə çıxış edib.

Z. Əsgərov qeyd edib ki, Xalq Cümhuriyyəti dövründə Dağlıq Qarabağ quberniyası yaradılıb və ora azərbaycanlı qubernator qoyulub: “O vaxt Dağlıq Qarabağdakı erməni iciması da bəyan edir ki, Azərbaycanın suverenliyi altında yaşayır. Digər tərəfdən, Millətlər Liqası Ermənistanı qəbul etməyb, Ermənistan məsələsi havada qalıb. Azərbaycandan torpaq qoparıb, Ermənistanı yaradıblar. İddia edirlər ki, Stalinin dəstəyi ilə Dağlıq Qarabağ Azərbaycana verilib. Ancaq 1921-ci il iyulun 5-də qərar qəbul edilib ki, Dağlıq Qarabağ Azərbaycanın tərkibində saxlanılsın. Deməli, həmin vaxta qədər Dağlıq Qapabağ Azərbaycanın tərkibində olub”.

I vitse-spiker xatırladıb ki, Qars müqaviləsində Naxçıvan Cümhuriyyətinin Azərbaycanın patronajlığı altında yaradılmasından söhbət gedir: “Ermənilər o vaxt daha çox Naxçıvana iddia edirdilər, Qars müqaviləsində isə Naxçıvan məsələsi tam əksini tapdı. Dağlıq Qarabağın hər zaman Azərbaycanın əzəli torpağı olduğu əksini tapıb. Digər tərəfdən, SSRİ parçalanandan sonra hansı müttəfiq respublikanın tərkibindəki muxtar respublika çıxıb? Belə presedent olmayıb. Nəhayət, bizim Xalq Cümhuriyyətinin varisi olduğumuz, sovet Azərbaycanının varisi olmadığımız barədə iddiaya gəlincə, beynəlxalq hüquqa görə, Azərbaycan SSRİ dövründə öz ərazi bütövlüyünü saxlayıbsa, müstəqillikdən sonra da həmin ərazi bizə məxsusdur. Bu prinsip bütün dünyada tətbiq olunur”.

Z. Əsgərov qeyd edib ki, iddiaları əsassız çıxan ermənilər indi də Azərbayanı işğal faktı ilə barışmağa çağırır. 

OXŞAR XƏBƏRLƏR