Dağlıq Qarabağ bölgəsinin azərbaycanlı icmasının əsir soydaşlarımızla bağlı növbəti [color=red]VİDEOREPORTAJI[/color]
  • QARABAĞ VƏ ŞƏRQİ ZƏNGƏZUR

  • 02:18 05 Dekabr 2020

Dağlıq Qarabağ bölgəsinin azərbaycanlı icmasının əsir soydaşlarımızla bağlı növbəti VİDEOREPORTAJI

Azərbaycanın Dağlıq Qarabağ bölgəsinin azərbaycanlı icması ötən əsrin 90-cı illərində Ermənistan-Azərbaycan münaqişəsi zamanı əsir və itgin düşmüş, girov götürülmüş şəxslərlə bağlı layihəsi çərçivəsində daha bir ailənin harayını dünyaya duyurmağa çalışır.

APA-nın məlumatına görə, təqdim olunan bu reportajda Xocalı soyqırımı zamanı itgin düşmüş Adilə Səlimova, Elnur Hüseynov və onun baçısı Rəsmiyyə Hüseynovanın ağrılı taleyindən, onların bu gün də yolunu gözləyən böyük bir nəslin iztirablarından bəhs olunur.

Qeyd edirik ki, bu layihəni həyata keçirməkdə məqsədimiz 4 minə yaxın əsir və itgin düşmüş, girov götürülmüş şəxslərin ailə üzvlərinin müraciətlərini beynəlxalq təşkilatlara video reportajlar formasında təqdim etməkdir.

Aydın məsələdir ki, Ermənistan 30 ilə yaxındır ki, əsir, girov və itgin düşmüş şəxslərlə bağlı beynəlxalq konvensiyaların tələblərini pozaraq əsirlikdə olan soydaşlarımızın ailə üzvlərinin müraciətlərinə etinasız yanaşıb.

Azərbaycanın Dağlıq Qarabağ bölgəsinin azərbaycanlı icması olaraq hesab edirik ki, 26 ildən sonra döyüş meydanında düşmən üzərində zəfər qazanaraq torpaqlarını azad edən qalib Azərbaycan qarşısında məğlub Ermənistan bütün suallara aydınlıq gətirməyə məcburdur. Xalqımıza qarşı misilsiz cinayətlər həyata keçirən Ermənistanın hakim dairələrinin sabiq və indiki nümayəndələri müttəhimlər kürsüsündə həm də əsir və gorov götürülmüş, itgin düşmüş soydaşlarımıza qarşı törətdikləri qeyri-insani davranışlarına görə cavab verəcəklər.

Sərxan Kamallı

Teqlər:

OXŞAR XƏBƏRLƏR