Ermənistanın Gəncəyə raket zərbəsi endirməsi nəticəsində xəsarət alaraq xəstəxanada vəfat edən yeniyetmə Rusiya vətəndaşıdır
  • QARABAĞ VƏ ŞƏRQİ ZƏNGƏZUR

  • 12:43 24 Oktyabr 2020

Ermənistanın Gəncəyə raket zərbəsi endirməsi nəticəsində xəsarət alaraq xəstəxanada vəfat edən yeniyetmə Rusiya vətəndaşıdır

17 oktyabrda Gəncənin yaşayış məntəqələrinin SCUD tipli raketlərdən atəşə tutulması nəticəsində ağır yaralanmış Rusiya Federasiyası vətəndaşı 2007-ci il təvəllüdlü Mayakov Artur Vladimiroviç həkimlərin səylərinə baxmayaraq stasionar qaydada müalicə olunduğu xəstəxanada vəfat edib.

APA-nın məlumatına görə, bu barədə Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev bildirib.

O qeyd edib ki, Mayakov Artur Vladimiroviç Gəncəyə bibisi gilə qonaq gəlib: “Mərhum Gəncə şəhər İcra Hakimiyyətinin və Gəncə şəhər Aleksandr Nevski kilsəsinin dəstəyi ilə pravoslav xristian dini ənənələrinə uyğun olaraq dəfn olunacaqdır. Xarici İşlər Nazirliyi vasitəsilə bu barədə Rusiya Federasiyasının Azərbaycandakı səfirliyinə məlumat verilib”.

H. Hacıyev "Twitter" hesabında Mayakov Artur Vasilyeviçin fotosunu paylaşıb.

ONA

Teqlər:

OXŞAR XƏBƏRLƏR