Mehriban Əliyeva: "Ordumuz milyonlarla azərbaycanlının arzularını həyata keçirir"
  • DAĞLIQ QARABAĞ

  • 18:20 18 Oktyabr 2020

Mehriban Əliyeva: "Ordumuz milyonlarla azərbaycanlının arzularını həyata keçirir"

Birinci vitse-prezident Mehriban Əliyeva "Instaqram" səhifəsində paylaşım edib.

APA-nın məlumatına görə, paylaşımda deyilir:  

"Azərbaycan ordusunun növbəti qələbəsi! Füzuli şəhəri və Füzuli rayonunun bir sıra kəndləri işğaldan azad edilib. İllər boyu bir çox soydaşımız Vətən həsrəti ilə yaşayıb! Nə qədər həmvətənimiz doğma diyarını heç olmasa bir dəfə də olsun yenidən görmək arzusunda idi! Bu gün bizim ordumuz əzəli Azərbaycan torpaqlarını işğaldan azad etməklə milyonlarla azərbaycanlının arzularını həyata keçirir. Bu, ədalətin təntənəsidir! Ona görə ki, bu yerlər bizim doğma torpaqlarımızdır, əcdadlarımızın torpaqlarıdır. Hər bir Azərbaycan əsgərinin və zabitinin həyatı və sağlamlığı üçün dua edirəm. Uca Tanrı ordumuzu, xalqımızı, Vətənimizi və Prezidentimizi qorusun! Qarabağ Azərbaycandır!". 

OXŞAR XƏBƏRLƏR