Müdafiə naziri: "Aprel döyüşlərində Azərbaycan ordusu müdafiə xəttini 18 dəqiqəyə yardı"
  • QARABAĞ VƏ ŞƏRQİ ZƏNGƏZUR

  • 12:24 04 Aprel 2019

Müdafiə naziri: "Aprel döyüşlərində Azərbaycan ordusu müdafiə xəttini 18 dəqiqəyə yardı"

"Ermənistan aprel döyüşlərində səfərbərlik elan etdi. İrəvandan toy-bayramla Qarabağa yollandılar. Onlar gəlib heç Qarabağa çıxa bilmədilər".

ONA-nın məlumatına görə, bu sözləri müdafiə naziri Zakir Həsənov AZTV-yə müsahibəsində deyib. O bildirib ki,  aprel döyüşlərində Azərbaycan Ordusunun 20 faizi bütün Ermənistan ordusunu 3-4 günə darmadağın edib: “Biz əks hücuma keçdik, ancaq itkilərimiz ondan 3 dəfə az oldu. Hər bir şəhidimiz bizim üçün əzizdir. Amma ayrı yolumuz yoxdur, gərək biz Vətənimizi müdafiə edək. Döyüşlər hərbi baxımdan çətin vəziyyətdə keçdi.  Gecə, dağlarda, düşmənlə birbaşa təmasdan əks hücuma keçmişdik. Ordumuz yüksək döyüşkənlik bacarığı nümayiş etdirdi. Yaralı zabitlərimiz döyüşdən çıxmırdılar. Azərbaycan Ordusunun kiçik bir hissəsi Ermənistan ordusunu 3 gündə darmadağın etdi. Onlarda güc də yoxdur. Bir istiqamətdə hücum etmək istədilər və nəticəsi olmadı. Azərbaycanın 1 tankı minaya düşdü, sonra onu bərpa etdik, Ermənistan isə 30 tank itirdi. Bizdə top itkisi 1, ermənilərdə 15 oldu, 300-dən çox şəxsi heyət öldü. Aprel döyüşlərinin nəticəsi Ermənistan üçün faciəvi oldu. Onlar bütün siyasətləri Qarabağla bağlı milləti aldatmaqdan ibarət idi. Guya müdafiə xətti qurublar. Azərbaycan ordusu 18 dəqiqə ərzində bu xəttə yarmışdı. 18 dəqiqdən sonra onlar qaçmağa başladılar”.

OXŞAR XƏBƏRLƏR