Rusiyadakı erməni diasporu Azərbaycan, Gürcüstan və Türkiyəyə qarşı növbəti təxribata əl atıb
  • DAĞLIQ QARABAĞ

  • 13:43 23 Aprel 2019

Rusiyadakı erməni diasporu Azərbaycan, Gürcüstan və Türkiyəyə qarşı növbəti təxribata əl atıb

Rusiyada yaşayan erməni diasporu Azərbaycana qarşı növbəti təxribata əl atıb.

ONA-nın Rusiya bürosunun məlumatına görə, bu gün Moskvanın Erməni Gəncləri Assosiasiyası, Erməni Muzeyi və Rusiya Erməniləri Birliyinin birgə təşkilatçılığı ilə qondarma "erməni soyqırımı"na həsr olunan fləşmob formatında aksiya keçiriləcək.

Aksiyanın reklam bukletində Azərbaycan əraziləri olan Qarabağı və Naxçıvanı öz əraziləri kimi göstəriblər. Bundan başqa Türkiyə Cümhuriyyətinin Trabzon, Diyarbakır, Erzurum, Bitlis, Van və digər şərq regionları və Gürcüstanın Cavaxetiya bölgəsi Qərbi Ermənistan adı altında göstərilib.  

Aksiyanın bu gün yerli vaxtla 16:00-da Moskvadakı Erməni Apostol Kilsəsi ərazisində keçirilməsi planlaşdırılır.

Aksiya təşkilatçıları tədbirin keçirilməsi üçün Moskva hökumətindən icazə aldıqlarını bildiriblər.

Məlahət Nəcəfova

Teqlər: aksiya erməni Rusiya bütün xəbərlər

OXŞAR XƏBƏRLƏR