"Düşünürəm ki, ermənilər Qarabağın onların torpağı olduğunu deməklə çox böyük tarixi səhvə yol veriblər".
ONA xəbər verir ki, bu sözləri Rusiyanın xalq artisti, tanınmış kinorejissor Vladimir Menşov yaradıcılıq gecəsində ona ünvanlanan suallara cavab verərkən söyləyib.
O, tamaşaçının "Qarabağ haqqında film sifarişi alsanız, necə çəkərsiniz?" sualına problemlə yaxından tanış olmadığını söyləyib:
"Baş verənlərin bu qədər qəddarcasına olduğunu bura gələndən sonra öyrəndim. Mən bilirəm ki, heç kim, heç kimi bağışlamır. Torpaq uğrunda nifrət qazanmağa dəyməz. Ermənilər tarixi səhvə yol veriblər".
