XİN: Paşinyanı ölkəsinin silahlı qüvvələrini işğal olunmuş ərazilərdən çıxarmaq üçün addımlar atmağa çağırırıq
  • QARABAĞ VƏ ŞƏRQİ ZƏNGƏZUR

  • 19:43 11 Aprel 2019

XİN: Paşinyanı ölkəsinin silahlı qüvvələrini işğal olunmuş ərazilərdən çıxarmaq üçün addımlar atmağa çağırırıq

 

Xarici İşlər Nazirliyi Ermənistanın baş naziri Nikol Paşinyanın Strasburqda mətbuata verdiyi açıqlamasında qeyd etdiyi “təklifimiz Azərbaycanın Qarabağ məsələsində istifadə etdiyi gücdən istifadə, gücdən istifadə ilə hədələmə və hərbi ritorikadan imtina etməsidir” fikrinə münasibət bildirib.

XİN-in mətbuat xidmətdən ONA-ya verilən məlumata görə, bütün beynəlxalq ictimaiyyət Azərbaycanın beynəlxalq tanınmış sərhədləri çərçivəsində ərazi bütövlüyünü tanıyır və BMT Təhlükəsizlik Şurasının 1993-cü il tarixli 4 qətnaməsində Dağlıq Qarabağın Azərbaycanın ayrılmaz tərkib hissəsi olduğu vurğulanaraq, işğalçı erməni qüvvələrinin Azərbaycanın işğal olunmuş bütün ərazilərindən dərhal, tam və qeyd-şərtsiz çıxması tələb olunur: “Gücdən istifadə etməmək və gücdən istifadə ilə hədələməmək ifadələrini səsləndirən Ermənistan baş nazirinə beynəlxalq hüququn bu prinsipləri barədə maariflənmək məqsədilə ATƏT-in 1975-ci il Helsinki Yekun Aktı ilə tanış olmağı israrla tövsiyə edirik. Helsinki Yekun Aktının məlum 10 prinsipi arasında ikinci yerdə sadalanan “gücdən istifadə etməmək və gücdən istifadə ilə hədələməmək” prinsipi ilə bağlı qeyd olunur ki, dövlətlər qarşılıqlı və beynəlxalq münasibətlərində hər hansı ölkənin ərazi bütövlüyü və siyasi müstəqilliyinə qarşı və ya BMT və hazırkı bəyanatın məqsədlərinə uyğun olmayaraq güc tətbiqindən və gücdən istifadə ilə hədələmədən çəkinəcəklər.

Gücdən istifadə olunmamasını təklif edən erməni baş nazirini bölgədə davamlı sülh, təhlükəsizlik və rifahın təmin olunması naminə öz ölkəsinin silahlı qüvvələrini Azərbaycanın işğal olunmuş ərazilərindən çıxarılması istiqamətində beynəlxalq ictimaiyyətin tələblərinə uyğun olaraq təxirəsalınmaz addımlar atmağa çağırırıq”.

 

Kəmalə Quliyeva

Teqlər: XİN Dağlıq Qarabağ bütün xəbərlər

OXŞAR XƏBƏRLƏR