Zəngilan və Qubadlı rayonlarının əkin sahələri mina və partlamamış hərbi sursatlardan təmizlənilib
  • DAĞLIQ QARABAĞ

  • 04:39 22 Dekabr 2020

Zəngilan və Qubadlı rayonlarının əkin sahələri mina və partlamamış hərbi sursatlardan təmizlənilib

2020-ci il 15 dekabr tarixindən başlayaraq Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) və Daxili İşlər Nazirliyi, Daxili Qoşunlarının mütəxəssisləri ilə birlikdə işğaldan azad olunmuş Zəngilan və Qubadlı rayonları ərazisində kənd təsərrüfatı üçün nəzərdə tutulmuş əkin sahələrinin mina və partlamamış hərbi sursatlardan (PHS) təmizlənilməsi əməliyyatlarına başlanılıb.

ANAMA-dan APA-ya verilən məlumata görə, 15-21 dekabr tarixlərində aparılmış əməliyyat-axtarış tədbirləri nəticəsində 684 000 kv.m (68,4 ha) ərazi yoxlanılıb, 23 ədəd partlamamış hərbi sursat (PHS) və 42 ədəd 5.45 mm-lik patronlar aşkar edilərək götürülüb.

Zəngilan rayonu ərazisində aparılmış əməliyyat-axtarış tədbirləri zamanı 349 000 kv.m (34,9 ha), Qubadlı rayonu ərazisində aparılmış əməliyyat-axtarış tədbirləri zamanı isə 335 000 kv.m (33,5 ha) yoxlanılıb.

Əməliyyat-axtarış tədbirləri davam etdirilir.

ONA

Teqlər:

OXŞAR XƏBƏRLƏR