Ağ Ev yaxınlığında baş vermiş atışmaya görə Tramp brifinqi tərk edib - [color=red]VİDEO[/color]
  • DÜNYA

  • 03:17 11 Avqust 2020

Ağ Ev yaxınlığında baş vermiş atışmaya görə Tramp brifinqi tərk edib - VİDEO

ABŞ prezidenti Donald Trampın mühafizəçiləri səbəbini izah etmədən qəfildən onu mətbuat konfransından uzaqlaşdırıblar.

APA “RİA Novosti”yə istinadən xəbər verir ki, bu barədə məlumat Ağ Evin saytında canlı olaraq yayımlanıb.

Tramp mətbuat konfransının başlanğıcında çıxış edərkən təhlükəsizlik xidmətinin əməkdaşı onun qulağına nə isə pıçıldayıb. Bundan sonra prezident mühafizəçilərlə birlikdə binanı tərk edib.

Qeyd edək ki, amerikalı lider bir qədər sonra brifinq zalına qayıdıb və Ağ Ev yaxınlığında atışma baş verdiyini bildirib.

Ağ Ev məsələ ilə bağlı hələlik bir açıqlama verməyib. Trampı müşayiət edən jurnalistlər brifinqin keçirildiyi otağın qapısında polis gördüklərini bildiriblər.

“Ağ Evin yaxınlığında atışma baş verib, vəziyyət nəzarətdədir. Effektiv iş gördüyünə görə məxfi xidmətə təşəkkür edirəm. Bir nəfəri xəstəxanaya çatdırıblar, onun vəziyyəti barədə məlumatsızam”, - deyə Tramp qeyd edib və bildirib ki, xəstəxanaya yerləşdirilən şəxs məxfi xidmət tərəfindən yaralanıb.

Sərxan Kamallı

Teqlər:

OXŞAR XƏBƏRLƏR