Hacıqabul-Kürdəmir rayonlarının sərhədində baş vermiş yol qəzasında daha bir nəfər dünyasını dəyişib.
APA-nın Mil-Muğan bürosunun məlumatına görə, bu, 1983-cü il təvəllüdlü Mətləb Yusifovdur.
***
Saat 20:39
Hacıqabul-Kürdəmir rayonlarının sərhədində ölümlə nəticələnən ağır yol qəzası baş verib.
APA-nın Mil-Muğan bürosunun məlumatına görə, hadisə Bakı-Qazax magistralının Hacıqabul rayonu Padar kəndi ərazisindən keçən hissəsində qeydə alınıb.
90-AA-047 qeydiyyat nişanlı "Toyota" markalı avtomobilin aşması nəticəsində Bakı şəhər sakini, 2007-ci il təvəllüdlü Hüseynov Ayxan Tahir oğlu hadisə yerində dünyasını dəyişib, onun atası 1983-cü il təvəllüdlü Hüseynov Tahir Səbuhi oğlu və daha 3 nəfər də xəsarət alıb. Yaralılar Kürdəmir xəstəxanasına yerləşdirilib.
Avtomobildə olanların hamısı bir ailənin üzvləridir.
Faktla bağlı araşdırma aparılır.
