Bakıda yol qəzasında işıq dirəyi aşdı, benzin yolla bir oldu -[color=red] FOTO[/color] - [color=red]VİDEO[/color]
  • HADİSƏ

  • 06:03 21 İyul 2019

Bakıda yol qəzasında işıq dirəyi aşdı, benzin yolla bir oldu - FOTO - VİDEO


Nəsimi rayonunda yol-nəqliyyat hadisəsi baş verib.
APA xəbər verir ki, hadisə Səməd Vurğun küçəsi ilə Həsən Əliyev küçəsinin kəsişməsində qeydə alınıb.
“İsuzu” markalı yük avtomobilinin sürücüsü Dilqəm Əhmədovun APA -ya verdiyi məlumata görə, o S.Vurğun küçəsində işıqforun yaşıl işığından keçib. Bu zaman Zahid Zahidzadənin idarə etdiyi “Nissan” markalı avtomobil ona çırpılıb.
Zərbənin gücündən yük maşını “KİA” markalı avtomobilə dəyib. Daha sonra işıq dirəyinə çırpılıb. Nəticədə yük avtomobilinin benzin çəninə zərər dəyib. Benzin yola dağılıb.
Z.Zahidzadə isə APA -ya onun qırmızı işıqdan keçmədyini bildirib. Baş vermiş hadisə ilə bağlı əraziyə FHN-in Yanğından Mühafizə Xidmətinin əməkdaşları cəlb edilib. Yoldakı yanacaq su ilə yuyulub.
Nəsimi Rayon Polis İdarəsinin əməkdaşları hər üç sürücünün izahatını alıb.
Fakta hüquqi qiymət ərazidə olan müşahidə kameralarının qeydə aldığı görüntülərə baxıldıqdan sonra veriləcək.

Nurlan Əli

Teqlər:

OXŞAR XƏBƏRLƏR