FHN: Ermənistanın Gəncə şəhərini raket atəşinə tutması nəticəsində dağılan evlərin dağıntıları altından 17 yaralı və 5 cəsəd çıxarılıb
  • DAĞLIQ QARABAĞ

  • 07:23 11 Oktyabr 2020

FHN: Ermənistanın Gəncə şəhərini raket atəşinə tutması nəticəsində dağılan evlərin dağıntıları altından 17 yaralı və 5 cəsəd çıxarılıb

Humanitar atəşkəs rejimini kobud şəkildə pozan Ermənistan ordusu 11 oktyabr 2020-ci il tarixində gecə saat 2.00 radələrində  Azərbaycanın ikinci böyük şəhəri olan Gəncəni raket atəşinə tutub. Nəticədə, yaşayış binasına düşən raket binanı tamamilə dağıdıb, bina sakinləri dağıntılar altında qalıb.

Fövqəladə Hallar Nazirliyindən (FHN) APA-ya verilən məlumata görə, dərhal əraziyə cəlb olunmuş Nazirliyin müvafiq qüvvələri tərəfindən, ilkin məlumata əsasən, dağıntılar altından xəsarət almış 17 nəfər və 5 nəfərin cəsədi çıxarılıb.

Əməliyyat davam edir. Əlavə məlumat veriləcək.

Qeyd edək ki, FHN hazırda gücləndirilmiş iş rejimində fəaliyyət göstərir. Baş verən hər hansı fövqəladə hadisə ilə əlaqədar Nazirliyin “112” qaynar telefon xətti”nə dərhal məlumat verilməsi xahiş olunur.

ONA

Teqlər:

OXŞAR XƏBƏRLƏR