Sabirabad rayonunun Nizami kəndində ağır yol qəzası baş verib.
APA-nın Mil-Muğan bürosunun məlumatına görə, hadisə Hacıqabul-Bəhramtəpə avtomobil yolunda qeydə alınıb.
Bakı sakini, 1976-cı il təvəllüdlü Hacıyev Bəxtiyar Ağabala oğlunun idarə etdiyi "Kia" markalı 99-RN-407 dövlət nömrə nişanlı və Sabirabad rayonunun Moranlı kənd sakini, 1981-ci il təvəllüdlü Mehdiyev Samir Fərhad oğlunun idarə etdiyi "VAZ 2115" markalı 90-RZ-915 dövlət nömrə nişanlı avtomobillər sürətlə hərəkətdə olarkən toqquşublar. Daha sonra "VAZ 2115" markalı avtomobil "Shacman" markalı yük avtomobilinə çırpılıb. Qəza nəticəsində "VAZ"- sürcüsü hadisə yerində dünyasını dəyişib.
Digər avtomobilin sürcüsü və sərnişinlər - Bakı sakinləri, 1986-cı il təvəllüdlü Səfərov Rəşad Elbrus oğlu, 1986-cı il təvəllüdlü Məmmədov Əli Mövlud oğlu, 1979-cu il təvəllüdlü Hacıyev Bayram Nazim oğlu və 1976-cı il təvəllüdlü Hacıyev Bəxtiyar Ağabala oğlu müxtəlif dərəcəli xəsarətlərlə Şirvan Şəhər Xəstəxanasına yerləşdirilib.
Faktla bağlı Baş DYP İdarəsi tərəfindən araşdırma aparılır.
***
Saat 21:59
Sabirabad rayonunun Nizami kəndində ağır yol qəzası baş verib.
APA-nın Mil-Muğan bürosunun məlumatına görə, hadisə Hacıqabul-Bəhramtəpə avtomobil yolunda qeydə alınıb.
"Kia" və "VAZ 2115" markalı avtomobillərin toqquşduğu avtoqəza zamanı bir nəfər ölüb, üç nəfər xəsarət alıb. Yaralılar Şirvan xəstəxanasına yerləşdirilib.
Faktla bağlı araşdırma aparılır.
