Müdafiə naziri: "Azərbaycan Ordusunun bütün uğurları yalnız bu islahatlar nəticəsində mümkün olub”
  • DAĞLIQ QARABAĞ

  • 14:17 02 Aprel 2019

Müdafiə naziri: "Azərbaycan Ordusunun bütün uğurları yalnız bu islahatlar nəticəsində mümkün olub”

“Azərbaycan Ordusunun bütün şəxsi heyəti adından Sizə dərin minnətdarlığımızı bildiririk. Orduda keçirdiyiniz islahatlar ordunun döyüş qabiliyyətinin artırılmasına, nizam-intizamın güclənməsinə və şəxsi heyətin sosial bazasının yüksək səviyyədə təşkil olunmasına yönəlib”.

ONA-nın məlumatına görə, bunu bu gün Prezident, Ali Baş Komandan İlham Əliyevin Müdafiə Nazirliyinin Xüsusi Təyinatlı Qüvvələrinin N saylı hərbi hissəsində hərbi qulluqçularla görüşündə müdafiə naziri Zakir Həsənov bildirib.

Müdafiə naziri deyib ki, bu gün Azərbaycan Ordusunun bütün uğurları yalnız bu islahatlar nəticəsində mümkün olub: “Bu gün şəxsi heyət Sizin orduya göstərdiyiniz diqqət və qayğını gündəlik həyatında hiss edir və Sizin etimadınızı doğrultmaq üçün hər an hər bir əmrinizi yerinə yetirməyə hazırdır və qadirdir”.  

Ramiz Mikayıloğlu

Teqlər: Zakir Həsənov

OXŞAR XƏBƏRLƏR