Putin və Makron Azərbaycan Prezidenti və Ermənistan Baş nazirinin görüşü barədə müzakirə aparıb
  • DAĞLIQ QARABAĞ

  • 16:50 10 Yanvar 2021

Putin və Makron Azərbaycan Prezidenti və Ermənistan Baş nazirinin görüşü barədə müzakirə aparıb

Rusiya Prezidenti Vladimir Putin və Fransa Prezidenti Emmanuel Makron arasında telefon danışığı olub.

ONA-nın xəbərinə görə, bu barədə Kremlin mətbuat xidməti məlumat yayıb.

V. Putin və E. Makron  Rusiya Prezidentinin təşəbbüsü və iştirakı ilə sabah Moskvada Azərbaycan Prezidenti İlham Əliyev və Ermənistan Baş naziri Nikol Paşinyan arasında keçiriləcək görüş barədə müzakirə aparıblar.

Qeyd edilib ki, ATƏT-in Minsk Qrupunun həmsədrlərinin fəaliyyətinin koordinasiya edilməsi çərçivəsində Rusiya Prezidentinin fransalı həmkarı telefon danışığında 10 noyabr 2020-ci ildə imzalanmış üçtərəfli Bəyannamənin icrası, regionda sülhün təmin olunması istiqamətində gələcəkdə atılacaq addımlar diqqət mərkəzində olub.

 E. Makron Rusiyanın Dağlıq Qarabağ münaqişəsinin tənzimlənməsi istiqamətində səylərinə dəstəyini ifadə edib. Tərəflər əsas diqqəti döyüşlərdən əziyyət çəkmiş əhaliyə humanitar yardımlara, bu sahədə ixtisaslaşmış beynəlxalq təşkilatların roluna yönəldiblər.

 

ONA

Teqlər:

OXŞAR XƏBƏRLƏR