XİN Almaniya vətəndaşının adını arzuolunmaz şəxslər siyahısından çıxarıb
  • QARABAĞ VƏ ŞƏRQİ ZƏNGƏZUR

  • 16:58 09 Oktyabr 2019

XİN Almaniya vətəndaşının adını arzuolunmaz şəxslər siyahısından çıxarıb

Almaniya Federativ Respublikasının vətəndaşı, müstəqil jurnalist Silvia Stöber Xarici İşlər Nazirliyinə (XİN) məktubla müraciət edərək adının “Azərbaycan Respublikasının işğal edilmiş ərazilərinə qanunsuz səfər etmiş xarici ölkə vətəndaşlarının siyahısı”ndan çıxarılmasını xahiş edib.

ONA-nın xəbərinə görə, XİN-in açıqladığı məlumatda bildirilir ki, məktubunda Silvia Stöber Azərbaycan Respublikasının beynəlxalq tanınmış sərhədləri çərçivəsində ərazi bütövlüyü və suverenliyi, eləcə də ölkəmizin qanunlarına hörmət etdiyini bəyan edir və işğal edilmiş ərazilərə sözügedən səfəri ilə heç bir halda ölkəmizin ərazi bütövlüyü və suverenliyini şübhə altına almaq niyyətində olmadığını bildirir.

Həmçinin müraciətində o, səfərin törədə biləcəyi nəticələr barədə məlumatsız olduğunu qeyd edib.

Almaniya Federativ Respublikasının vətəndaşının müraciəti müvafiq qaydada nəzərdən keçirilib və adının arzuolunmaz şəxslər siyahısından çıxarılmasına dair qərar qəbul edilib.

 

OXŞAR XƏBƏRLƏR