Los-Ancelesdə ABŞ kinoakademiyasının mükafatlarının 93-cü təqdimetmə mərasimi keçirilib.
APA-nın RİA Novosti-yə istinadən xəbərinə görə, “Oskar” mükafatının təqdimetməsi ABC telekanalı vasitəsilə yayımlanıb.
"İlin ən yaxşı filmi" nominasiyasına Xloi Çjao-nun “Köçərilərin diyarı” filmi layiq görülüb.
07.35
***
ABŞ-ın Los-Anceles şəhərində Amerika kinoakademiyasının nüfuzlu mükafatı olan “Oskar” mükafatının təqdimetmə mərasimi keçirilir.
APA xəbər verir ki, mərasim “Okko” multimedia xidməti tərəfindən yayımlanıb.
Hazırda “Ən yaxşı orijinal ssenari”, “Ən yaxşı uyğunlaşdırılmış ssenari”, “Ən yaxşı xarici film” və “Ən yaxşı köməkçi aktyor” nominasiyaları üzrə qaliblər elan olunub.
Beləcə, mükafat ən yaxşı orijinal ssenari üçün “Ümidlər verən qadın” (Promising Young Woman) filminə, ən yaxşı uyğunlaşdırılmış ssenari Florian Zellerin “Ata” ( The Father) filminə təqdim olunub. Danimarka rejissoru Tomas Vintenberqin çəkdiyi “Daha bir dəfə” (Another Round) filmi ən yaxşı xarici film olaraq seçilib.
