ABŞ Venesuela sahillərinə tibbi gəmi göndərməyə qərar verib
  • DÜNYA

  • 06:41 08 May 2019

ABŞ Venesuela sahillərinə tibbi gəmi göndərməyə qərar verib

Vaşinqtonda keçirilən konfransda çıxış edən ABŞ-ın vitse-prezidenti Mayk Pens Ağ evin Venesuelada yaşanan böhranla əlaqədar hansı addımlar atacağı ilə əlaqədar açıqlama verib. 

ONA “RİA Novosti”-yə istinadla xəbər verir ki, o, ABŞ donanmasına məxsus tibb gəmisinin bölgəyə göndəriləcəyini qeyd edib.

Pensin sözlərinə görə, prezident Trampın tapşırığına əsasən, iyun ayında “Comfort” gəmisi tibbi yardıma ehtiyacı olanlara kömək məqsədilə Mərkəzi və Cənubi Amerika sahilləri istiqamətinə yan alacaq.

ABŞ vitse-prezidenti çıxışı zamanı bir daha Nikolas Maduronu istefa verməyə çağırıb: "Hakimiyyət başında olan Nikolas Maduro heç bir qanuni hüququ olmayan diktatordur və getməlidir". 

O, müxalifət lideri Xuan Quaidonu dəstəkləyən və hazırda həbsdə olan general Manuel Kristof Fieqerin də tez bir zamanda azad olunması tələbini dilə gətirib.

Əlavə edib ki, rəsmi Vaşinqton əks halda Venesuelanın Ali Məhkəməsinə qarşı müvafiq sanksiyalar tətbiq edəcək.

"Əgər Venesuela Ali Məhkəməsi Konstitusiyada təsbit olunmuş qanunun aliliyini təmin etməsə, ABŞ ədaləti bərpa etmək üçün müvafiq tədbirlər görəcək", - deyə vitse-prezident bildirib.

O, ABŞ-ın Venesuelaya qarşı bütün zəruri variantları nəzərdən keçirəcəyini bir daha təkrarlayıb.

OXŞAR XƏBƏRLƏR