Birləşmiş Ərəb Əmirliklərinin (BƏƏ) hakimyiyəti Fuceyra limanında bu gün güclü partlayışların baş verdiyi və nəticədə neft tankerlərində yanğın başladığı barədə yayılan xəbərləri təkzib edib.
ONA-nın məlumatına görə, bu barədə BƏƏ-nin WAM Dövlət Agentliyi məlumat yayıb.
Qeyd edək ki, bu gün Livanın "al-Mayadeen" telekanalı yerli mənbələrə istinadən səhər saatlarında Fuceyra limanında bir neçə güclü partlayışın baş verdiyi və ən azı 7 tankerdə yanğının başladığı barədə məlumat yayıb.
Rəsmi məlumatda isə gəmilərin limanda adi rejimdə hərəkətinin davam etdiyi bildirilib. Eyni zamanda KİV-lərin fəaliyyətində rəsmi mənbələrə istinad etməsi tövsiyə olunub.
***
saat 13.03
Bu gün Birləşmiş Ərəb Əmirliklərinin (BƏƏ) Fuceyra limanında bir neçə güclü partlayış baş verib, ən azı 7 tankerdə yanğın başlayıb.
ONA-nın məlumatına görə, bu barədə "al-Mayadeen" telekanalı yerli mənbələrə istinadən məlumat yayıb.
Partlayışlar yerli vaxtla saat 4.00-7.00 aralığında ardıcıl baş verib, daha sonra tankerlərdə yanğın başlayıb.
Partlayışın səbəbi hələ müəyyənləşdirilməyib. Şahidlər liman üzərində ABŞ və Fransa hərbi təyyarələrinin uçduğunu bildiriblər.
