Belarus Rusiya neftinin nəqli üçün tarifi artırıb
  • DÜNYA

  • 14:41 01 Sentyabr 2019

Belarus Rusiya neftinin nəqli üçün tarifi artırıb

Belarus ərazisindən Rusiya neftinin nəqli üçün tarifi artırıb.

ONA-nın BELTA agentliyinə istinadən verdiyi məlumata görə, bu gündən tarif 3,7 faiz artırılıb.

Belarus bu addıma keyfiyyətsiz neftin nəqli  ilə əlaqədar yaranmış qalmaqalla bağlı nəzərdə tutulan kompensasiya kimi baxır. Tərkibində xlorun miqdarının artması ilə əlaqədar Polşa, Almaniya, Çexiya və Macarıstandakı neft emalı zavodları Rusiya neftinin qəbulundan imtina edib və nəticədə bu ilin ikinci rübündə Belarus ərazisindən nəql edilən Rusiya neftinin həcmi azalıb.

Qeyd edək ki, bu ilin aprelində "Dostluq" neft kəmərində qəza baş verib, xam neftin tərkibində xlorun miqdarı əhəmiyyətli dərəcədə artıb. Neft kəmərinin çirklənməsi ilə əlaqədar neftin nəqli dayandırılıb. Xarici şirkətlərin tələb etdiyi kompensasiya milyard dollarlarla qiymətləndirilir.

 

OXŞAR XƏBƏRLƏR