Böyük Britaniya parlamentariləri, gözlənildiyi kimi, “Brexit”in yeni tarixinin təyinatı ilə bağlı qanunvericilik üzrə səsvermə keçirib.
ONA-nın “RİA Novosti”yə istinadən verdiyi xəbərə görə, yeni tarixin lehinə 441 deputat, əleyhinə 105 deputat səs verib.
Beynəlxalq qanunvericilik baxımdan, “Brexit”in vaxtı artıq dəyişdirilib. Əvvəlcə Britaniya Avropa Birliyindən martın 29-da çıxmalı idi. Ancaq baş nazir Tereza Mey parlamentin müvafiq qərarından sonra “Brexit”in təxirə salınması üçün Brüsselə müraciət edib.
Əldə olunmuş razılığa əsasən, Britaniya AB-ni ya mayın 22-də, ya aprelin 12-də tərk edəcək.
