Britaniya Parlamentdə “Brexit” üzrə yenə razılıq yoxdur
  • DÜNYA

  • 05:18 02 Aprel 2019

Britaniya Parlamentdə “Brexit” üzrə yenə razılıq yoxdur

Böyük Britaniya parlament üzvəri “Brexit” prosesində növbəti addımları atmaq üçün səsverməyə təqdim olunan təkliflər barədə razılıq əldə edə bilməyiblər.

ONA-nın Britaniya bürosunun “BBC News”a istinadən verdiyi xəbərə görə, parlamentdə “Brexit”də alternativ təkliflər səsverməyə təqdim edilib. 

Ancaq parlament üzvlərinə təqdim edilən 4 müxtəlif təkliflərdən heç birində razılıq əldə olunmayıb. Britaniyanın "Brexit" sonrası gömrük birliyində qalma təklifi yalnız 3 səslə rədd edilib

Qeyd edək ki, ötən həftə Böyük Britaniya parlamenti Tereza Meyin təqdim etdiyi sazişi 3-cü dəfə rədd edib.

Tereza Mey ya Aİ-dən çıxmaq üçün qoyulan 12 aprel tarixini uzatmalı, ya da Aİ-dən heç bir razılaşma əldə etmədən ayrılmalıdır. 

Aytən Abbaslı
 

Aytən Yusifova

Teqlər: Brexit parlament səsvermə

OXŞAR XƏBƏRLƏR