Burkina Fasonun şimalında yerləşən Sanmatenqa əyalətinin Pissila bölgəsindəki Rofeneqa kəndinə silahlı hücum nəticəsində azı 20 mülki şəxs öldürülüb.
APA TASS-a istinadən xəbər verir ki, bu barədə yerli hakimiyyət orqanları məlumat yayıb.
Naməlum silahlı şəxslər gecə saatlarında 40-a yaxın motosikletlə kəndə girərək sakinlərə atəş açıblar.
Yaraqlılar kənddəki ibtidai məktəb binasını da yandırıblar.
Qeyd edək ki, 2015-ci ildən etibarən Burkina Fasonun şimal bölgələri tez-tez radikal təmayüllü silahlı qruplar tərəfindən hücuma məruz qalır. Son dörd il ərzində təhlükəsizlik qüvvələri və mülki vətəndaşlar da daxil olmaqla, 750-dən çox insan yaraqlıların hücumu zamanı ölüb.
