Dağıstanın Cumadin rayonunda baş verən yanğın söndürülüb, 16 evə ziyan dəyib.
ONA-nın “RİA Novosti”-yə istinadən verdiyi məlumata görə, bu barədə FHN nümayəndəsi açıqlama verib.
“İlkin məlumata görə, yanğın nəticəsində 16 evə ziyan dəyib. Moskva vaxtı ilə 00:35 radələrində yanğın tam söndürüldü”, - deyə FHN-nın məlumatında bildirilib.
Hadisə zamanı ölən olmayıb. Yanğınla mübarizəyə 67 FHN əməkdaşı və 15 ədəd texnika cəlb edilmişdir. Yerli məktəb nəzdində 50 nəfərlik müvəqqəti məskunlaşma məntəqəsi yaradılıb.
00:37
Dağıstanın Cumadin rayonunda baş verən yanğın lokallaşdırılıb.
ONA-nın “RİA Novosti”-yə istinadən verdiyi məlumata görə, bu barədə məlumatı rayon başçısı Ənvərhacı Veçedov verib.
"11 ev yanıb. Yanğın lokallaşdırılıb. Yanğının söndürülməsinə 600 nəfər cəlb olunub", - deyə Veçedov bildirib.
00:16
Dağıstanın Cumadin rayonunda 11 ev yanır.
ONA-nın “RİA Novosti”-yə istinadən verdiyi məlumata görə, bu barədə məlumatı FHN rəsmisi verib.
Yanğının yerli vaxtla saat 21:00 radələrində başladığı bildirilir.
Məlumata görə, xəsarət alan yoxdur. Yanğının söndürülməsi üçün zəruri tədbirlər görülür.
