Dağıstanda 50-dən çox uşaq zəhərlənmə diaqnozu ilə Buynaksk şəhər xəstəxanasına yerləşdirilib.
APA RİA Novosti-yə istinadən xəbər verir ki, bu barədə Rusiya Səhiyyə Nazirliyinin Regional idarəsi məlumat yayıb.
Bildirilib ki, uşaqlar 13-2 yaş aralığındadır. Uşaqların vəziyyəti həkimlər tərəfindən orta dərəcədə qiymətləndirilib. Onlarda hərarət və ürək bulanması müşahidə edilir.
Hazırda zəhərlənmənin səbəbləri müəyyənləşdirilir, müxtəlif bağırsaq infeksiyaları üçün testlər aparılıb.
Dağıstanın Səhiyyə naziri vəzifəsini icra edən Tatyana Belyaeva da xəstəxanaya gəlib.
