Dağıstan Daxili İşlər Nazirliyi (DİN) Xasavyurtda kütləvi zəhərlənmə faktı ilə əlaqədar cinayət işi açıb.
ONA-nın “RİA Novosti”-yə istinadən yaydığı xəbərinə görə, şəhər xəstəxanalarının infeksion bölmələri zəhərlənənlərlə doludur.
Qeyd edək ki, 17-23 mart tarixlərində 80-dən artıq insan zəhərlənmə diaqnozu ilə xəstəxanalara yerləşdirilib, onlardan 72-si uşaqdır.
Yerli Səhiyyə nazirliyi xəstələrin sayının 104-ə çatdığını bildirib.
Dağıstan DİN hadisənin səbəbini öyrənmək məqsədi ilə istintaq aparır.
