Dariqa Nazarbayeva Senat sədri kimi əsas məqsədlərini açıqlayıb
  • DÜNYA

  • 13:30 20 Mart 2019

Dariqa Nazarbayeva Senat sədri kimi əsas məqsədlərini açıqlayıb

“Mən xüsusən Qazaxıstanın bu keçid dövründə parlamentin ölkəmizin siyasi və ictimai həyatında rolunu dərindən dərk edirəm”.

 ONA-nın “Sputnik Kazaxstan”-a istinadən verdiyi məlumata görə, bunu bu gün Qazaxıstan parlament Senatının sədri seçilən Dariqa Nazarbayeva parlamentdə çıxışında bildirib.

D. Nazarbayeva deyib ki, Nursaltan Nazarbayev cəmiyyətin modernləşdirilməsi, cəmiyyətin zəif təbəqələrinin sosial müdafiəsi ilə bağlı qarşıya geniş masştablı vəzifələr qoyub: “Ölkənin inkişaf strategiyası ilk növbədə insanların həyat tərzinin yaxşılaşmasına, Qazaxıstan dövlətinin möhkəmlənməsinə və inkişafına istiqamətlənib. Dövlət bütün qazaxıstanlılar üçündür. Mən bütün bilik və bacarığımı qarışya qoyulan məqsəd və vəzifələrin həyata keçirilməsinə sərf edəcəm”.  

Qeyd edək ki, N. Nazarbayev dünən prezident postundan istefa verdiyini bəyan edib. Bununla belə, N. Nazarbayev Təhlükəsizlik Şurasının və hakim Nur Otan Partiyasının sədri postunda qalır, Konstitusiya Şurasının üzvü kimi fəaliyyətini davam etdirir. Konstitusiyaya uyğun olaraq prezident səlahiyyətləri Senatın sədri Kasım-Jomart Tokayevə keçib. Bu gwn parlament Senatının iclasında Kasım-Jomart Tokayev Dariqa Nazarbayevanın namizədliyini Senatın sədri vəzifəsinə irəli sürüb.

D. Nazarbayeva N. Nazarbayevin qızıdır.

 

Ramiz Mikayıloğlu

Teqlər: Dariqa Nazarbayeva spiker

OXŞAR XƏBƏRLƏR