Qondarma Donetsk Xalq Respublikası ərazisindəki “Sxidkarbon” şaxtasında dağıntılar altında qalmış 13 nəfərin meyiti xilasedicilər tərəfindən çıxarılıb, digər 4 şaxtaçının axtarışları davam etdirilir.
ONA-nın “TASS” agentliyinə istinadən verdiyi xəbərə görə, bu barədə tanınmayan dövlətin Fövqəladə Hallar Nazirliyi məlumat yayıb.
Qeyd edək ki, aprelin 25-də “Sxidkarbon” şaxtasında metan qazının partlaması zamanı torpaq qatı çöküb. Nəticədə 17 şaxtaçı ilə əlaqə kəsilib. Yerli rəsmilərin müraciəti ilə xilasetmə işlərində Rusiyadan mütəxəssis qrupu da cəlb olunub və hadisənin ilk günündə ölənlərdən beşinin meyiti çıxarılıb.
