Əfqanıstanda baş vermiş partlayışda 4 amerikalı ölüb, daha üçü yaralanıb.
ONA-nın “RİA Novosti”yə istinadən verdiyi xəbərə görə, bu barədə “Qətiyyətli Dəstək” missiyasının qərargahı açıqlama yayıb.
“Aprelin 8-də Baqramdakı ABŞ hərbi bazası yaxınlığında baş vermiş partlayışda üç amerikalı hərbi qulluqçu və bir müqaviləli işçi öldürülüb, üç hərbi qulluqçu isə ağır yaralanıb”, - məlumatda belə deyilir.
Pentaqondan verilən açıqlamaya görə, ölənlərin adları yaxınlarına məlumat verildikdən sonra elan ediləcək.
