Əfqanıstanın şimal-şərqində yerləşən Bədəxşan vilayətində silahlı qarşıdurmalar zamanı “Taliban” hərəkatının azı 25 üzvü, eyni zamanda digər ölkələrdən olan dörd silahlı məhv edilib.
ONA-nın verdiyi xəbərə görə, bu barədə “Khaama Press” agentliyi hərbi mənbələrə istinadən məlumat yayıb.
“Qarşıdurmalar bazar günü gecə Curm rayonunda baş verib. Atışmalarda 25 “Taliban” döyüşçüsü, o cümlədən 4 əcnəbi öldürülüb, daha 11 nəfər yaralanıb”, - deyə mənbə bildirib.
Həmin əcnəbilərin hansı ölkələrin vətəndaşları olduğu açıqlanmır. Təhlükəsizlik qüvvələri və dinc sakinlər arasında ölü və ya yaralılar haqda da məlumat verilməyib.
