Gürcüstanın baş naziri Mamuka Baxtadze sabah istefasını elan edəcək.
APA-nın Gürcüstan bürosu xəbər verir ki, Baxtadze bu barədə sabah saat 15:00-da açıqlama verəcək.
Baş nazirin mətbuat xidməti isə nazirin istefa verməyi planlaşdırması və sabah keçiriləcək brifinqlə bağlı şərh verməyib. Hökumətdə kadr dəyişiklikləri ilə bağlı məsləhətləşmələrin davam edəcəyi bildirilir.
Təsdiqlənməmiş məlumata görə, baş nazir Mamuka Baxtadze daxili işlər naziri Giorgi Qaxaria ilə əvəz olunacaq, İrakli Gharibashvili isə daxili işlər naziri vəzifəsinə qayıdacaq.
