Gürcüstanda azərbaycanlıların kompakt yaşadığı kəndlərdə daxili və kəndlərarası yolların bərpası planlaşdırılır.
ONA-nın Gürcüstan bürosunun verdiyi xəbərə görə, layihə Marneuli bələdiyyəsinin 7 kəndini əhatə edir.
Marneuli bələdiyyə Məclisinin 13 mart tarixli növbədənkənar iclasında qəbul edilən qərara görə, Marneulidə 5 yol çəkiləcək. İclasda Marneuli meriyasının Sahə quruculuğu və İnfrastruktur Xidmətinin rəhbəri Leri Panqan bələdiyyə deputatlarını Marneulidə həyata keçiriləcək layihələrlə tanış edib. Həmin layihələr aşağıdakılardır:
Ağməmmədli-Ulaşlı-Qasımlı kəndlərini bir-birinə bağlayan yol – 1 500 000 larilik layihə;
İlməzli kəndinin yolu – 400 000 larilik layihə;
Ambarovka kəndinə gedən yol – 400 000 lariyə qədər layihə;
Qaçağan kəndinin yolu – 300 000 larilik layihə;
Tserakvi kəndinin daxili yolları – 250 000 larilik layihə;
Yuxarıda qeyd olunan layihələrin həyata keçirilməsinə 2019-cu ildən başlanacaq.
Amil Məmmədov
