Hindistan və Çin sərhəd rayonlarından qoşunlarını çıxarır
  • DÜNYA

  • 10:12 21 Fevral 2021

Hindistan və Çin sərhəd rayonlarından qoşunlarını çıxarır

Ötən gecə Hindistan və Çin komandanlıqları qarşılıqlı olaraq sərhəd rayonlarından qoşunların çıxarılması ilə bağlı danışıqları başa çatdırıb.

ONA-nın xəbərinə görə, bu barədə “Hindustan Times” qəzeti məlumat yayıb.

Moldo sərhəd məntəqəsində dünən başlayan danışıqlar 16 saat davam edib və gecə saat 02.00-da başa çatıb. Görüş Hindistan və Çinin sərhəddə yerləşən Panqonq-Ço gölü yaxınlığından qoşunlarını çıxarmasının yekunlaşmasından sonra başlanıb.

Qeyd edək ki, Panqonq-Ço gölünün yerləşdiyi Ladakx bölgəsində vəziyyət keçən il mayın əvvəlindən gərginləşməyə başlayıb. Həmin vaxt hır iki tərəfdən 250 əsgərin iştirakı ilə toqquşma olub, hər iki tərəfdən 100 nəfər yaralanıb. İyunun 15-dən 16-na keçən gecə isə Ladakx bölgəsində Qalvan çayı yaxınlığında silahlı qarşıdurma olub. Nəticədə 10 Hindistan əsgəri ölüb, 76 əsgər yaralanıb. Hindistan Çin tərəfdən ən azı 45 əsgərin öldüyünü bildirib. Bundan sonra Hindistan və Çin arasında hərbi və diplomatik səviyyədə danışıqlar başlayıb.

OXŞAR XƏBƏRLƏR