Niderland polisi Utrext tramvayında 3 nəfəri öldürməkdə şübhəli bilinən şəxsi həbs edib.
ONA-nın TASS-a istinadən yaydığı xəbərinə görə, bunu yerli hüquq-mühafizə orqanının rəhbəri Rob van Brey mətbuat konfransında bildirib.
Polis tutulan insanın şəxsiyyətini də açıqlayıb, bu 37 yaşlı türk əsilli Gökmen Tanışdır.
Tanış əvvələr də bir sıra qanun pozuntusuna yol verib. Belə ki, 2012-2017-ci illərdə o, oğurluq, sərxoş halda maşın sürmək, odlu silah tətbiq etmək, zorlama hadisəsi və digər cinayətlər üzrə istintaqa cəlb olunub.
