Honq Konq lideri Karri Lam küçələrə çıxan yüz minlərlə etirazçıdan üzr istəyib
  • DÜNYA

  • 04:59 17 İyun 2019

Honq Konq lideri Karri Lam küçələrə çıxan yüz minlərlə etirazçıdan üzr istəyib

Honq Konq lideri Karri Lam bazar günü yüz minlərlə insanın qara geyimdə küçələrə çıxaraq sakinlərin mühakimə olunmaq üçün Çinə təhvil verilməsinə imkan verəcək ekstradisiya qanunu ətrafında yaranmış vəziyyətə görə üzr istəyib.


APA xarici mediaya istinadla xəbər verir ki, ABŞ dövlət katibi Mayk Pompeo prezident Donald Trampın Honq Konqda kütləvi etirazları Yaponiyada qarşıdan gələn G-20 sammitində Çin prezidenti Şi Tsinpilə müzakirə edəcəyini bildirib.


“Mən əminəm ki, bu, onların müzakirə edəcəyi məsələlər arasında olacaq”, Pompeo bildirib.
Honq Konqun baş icraçısı Karri Lam şənbə günü qanun layihəsini qeyri-müəyyən vaxta qədər təxirə salıb.


Belə olan təqdirdə yüz minlərlə Honq Konq sakini bazar günü hökumətin ekstradisiya qanunu ilə bağlı nümayişlərə səbəb olmuş fəaliyyəti ilə əlaqədar olaraq narazılıqlarını və qəzəblərini ifadə etmək üçün qara geyimdə şəhərin küçələri və meydanlarına çıxıb.
Qanunun şənbə günü qeyri-müəyyən vaxta qədər təxirə salınması Britaniyanın ərazini 1997-ci ildə Çinə qaytarmasından sonra Honq Konq hökuməti tərəfindən ən böyük siyasi geriçəkilmələrdən biri hesab edilir. Bu həm də Karri Lamın şəhərə rəhbərliyi davam etdirə bilməsi ilə bağlı sualların yaranmasına səbəb olub.
Honq Konqda etirazlar həmçinin Çin prezidenti Şi Tsipinin 2012-ci ildə hakimiyyətə gəlməsindən sonra ən böyük nümayişlər hesab edilir. Etiraz nümayişlərinin habelə Çin və ABŞ arasında ticarət gərginlikləri və iqtisadi yavaşıma ilə qarşılaşmış Pekin liderləri üçün ciddi sınaq olduğu deyilir.
Tənqçidçilərin fikrincə, ektradisiya qanunu Honq Konqda qanunun aliliyi və ərazinin Asiyanın maliyyə mərkəzi kimi beynəlxalq reputasiyası üçün ciddi təhlükə ola bilər. Bildirildiyinə görə, Honq Konqun bəzi maqnatları artıq öz sərvətlərini offşor zonalarına köçürməyə başlayıb.

ONA

Teqlər:

OXŞAR XƏBƏRLƏR