İstanbulda baş verən sel nəticəsində azı bir nəfər ölüb, daha səkkiz nəfər yaralanıb.
APA xəbər verir ki, bu barədə “Sinhua” xəbər agentliyi yerli hakimiyyət orqanlarına istinadən məlumat yayıb.
İstanbul valisi Əli Yerlikayın sözlərinə görə, mərhum 30 yaşlı Suriya vətəndaşıdır. Zərərçəkənlər arasında üç suriyalı uşaq da var. Selin səbəbi günortadan sonra İstanbulda başlayan güclü yağış olub.
Şəhərə ciddi ziyan dəyib, bəzi binaların damları dağılıb, şəhər ərazilərindən birində torpaq sürüşməsi baş verib. Şəhərin bir neçə məhəlləsi elektrik enerjisindən məhrum olub.
