İran ABŞ-ın “Müsəlman Qardaşları” hərəkatını terror təşkilatı kimi tanımaq planını tənqid edib.
ONA-nın xəbərinə görə, bu barədə İranın xarici işlər naziri Məhəmməd Cavad Zərif Dohada çıxışında deyib.
"ABŞ başqalarını terror təşkilatı adlandıracaq bir mövqedə deyil və bu mövzuda ABŞ tərəfindən edilən hər bir cəhdi biz rədd edirik. ABŞ bölgədəki ən böyük terrorçunu - İsraili dəstəkləyir", - deyə o bildirib.
Xatırladaq ki, Ağ Evin mətbuat katibi Sara Sanders jurnalistlərə açıqlamasında Tramp administrasiyasının “Müsəlman Qardaşları” hərəkatını xarici terror təşkilatı kimi tanımaq planı üzərində işlədiyini deyib.
