İran nüvə razılaşmasının bəzi tələblərinin icrasını dayandırıb
  • DÜNYA

  • 09:28 08 May 2019

İran nüvə razılaşmasının bəzi tələblərinin icrasını dayandırıb

İran bu gündən etibarən nüvə proqramına dair Hərtərəfli Birgə Fəaliyyət Planının bəzi tələblərinin icrasını dayandırır.

ONA-nın Tehran bürosunun məlumatına görə, bu barədə İran Milli Ali Şurasının bəyanatında bildirilir. 
Məlumata görə, İran hazırkı mərhələdə  zənginləşdirilmiş uranın və ağır suyun saxlanılmasına dair tətbiq olunan məhdudiyyətlərin icrası ilə bağlı öhdəlik daşımır. 
Bəyanatda Hərtərəfli Birgə Fəaliyyət Planını imzalayan ölkələrə sazişə əsasən bank və  neft sahəsində üzərilərinə götürdükləri öhdəlikləri icra etmək üçün 60 gün vaxt verilir. Bəyanatda  həmçinin vurğulanır ki, İranın istəkləri təmin olunacağı təqdirdə icrasını dayandırdığı öhdəliklərə əməl etməyə davam edəcək. Bəyanatda İranın bu günədək tərəflər arasında əldə olunmuş razılaşmaya əməl etdiyi, amma ABŞ-ın sazişi tərk etməsindən sonra digər ölkələrin öz öhdəliklərinin icrasını dayandırdığı bildirilir.

İran bununla bağlı Avropa İttifaqının xarici işlər və təhlükəsizlik siyasəti üzrə ali nümayəndəsi Federika Moqeriniyə və sazişi imzalayan Almaniya, İngiltərə, Çin, Rusiya və Fransanın İrandakı səfirliklərinə məktub yollayıb.

Süleyman Fərzəliyev

Teqlər: İran nüvə ABŞ bütün xəbərlər

OXŞAR XƏBƏRLƏR