İranın Şiraz vilayətində daşqınlar nəticəsində 17 nəfər ölüb - [color=red]YENİLƏNİB-1[/color]
  • DÜNYA

  • 17:51 25 Mart 2019

İranın Şiraz vilayətində daşqınlar nəticəsində 17 nəfər ölüb - YENİLƏNİB-1

İranın Şiraz vilayətində təbii fəlakət nəticəsində ölənlərin sayı 17 nəfərə çatıb.

ONA-nın Tehran bürosunun məlumatına görə, bunu İranın Təcili Tibbi Yardım Təşkilatının rəhbəri Pirhüseyn Kulivənd deyib. O, xəsarət alanların sayının 50 nəfərə çatdığını bildirib.

***

15.33

Şirazda sel fəlakəti nəticəsində ən az 11 nəfər ölüb.

ONA-nın Tehran bürosunun məlumatına görə, bunu İranın Təcili Tibbi Yardım Təşkilatının rəhbəri Pirhüseyn Kulivənd deyib. O, xəsarət alanların sayının 35 nəfərdən çox olduğunu bildirib.

***

14.43

İranda sel ciddi fəsadlar törədib.

ONA-nın Tehran bürosunun məlumatına görə, Şirazda onlarla avtomobil sel sularının altında qalıb, bir neçə nəfər itkin düşüb.

Lorestan vilayətində də daşqınlar fəsadlar törədib.

Bildirilir ki, bir sutkada İranın 13 vilayəti güclü qar, çovğun və daşqın fəlakətləri ilə üzləşib.

İranın Qırmızı Aypara Cəmiyyətinin Yardım və Xilasetmə Təşkilatının sədri Murtaza Səlimi deyib ki, bir gündə 34 şəhər və kənddə, eləcə də dağlıq ərazilərdə 1530 nəfərə yardım edilib və 200 nəfər müvəqqəti sığınacaqlarda yerləşdirilib.

İranda yağıntıların martın 27-dək davam edəcəyi proqnozlaşdırılır.

Fars əyalətinin başçısı Şiraz şəhər əhalisinə müraciət edib və insanları evlərindən çölə çıxmamağa çağırıb.

Hələlik Şirazda baş verən seldə ölən və xəsarət alanların sayı dəqiqləşdirilməyib.

İranın Əndimeşk şəhər başçısı bu şəhərdə çay qırağında olan əhalini evlərini boşaltmağa çağırıb. Əhalinin ərazidən təxliyə edilməsini tezləşdirmək üçün aidiyyatı qurumlara müraciət edib.

Xatırladaq ki, Şirazla yanaşı, Luristan və Kermanşahda da analoji təbii fəlakət baş verib. Xuzistan, Tehran və başqa əyalətlərdə də sel təhlükəsinin yüksək olduğu bildilir.

 

Gülşən Hacıyeva

Teqlər: İran sel fəlakət

OXŞAR XƏBƏRLƏR