İspaniyada növbədənkənar parlament seçkiləri keçirilir
  • DÜNYA

  • 11:12 28 Aprel 2019

İspaniyada növbədənkənar parlament seçkiləri keçirilir

Bu gün İspaniyada növbədənkənar parlament seçkiləri keçirilir.

ONA-nın "Alman dalğası"na istinadən verdiyi məlumata görə, növbədənkənar seçkilərdə 4 il müddətində parlamentin aşağı palatasına - Konqresə 350 deputat, parlamentin yuxarı palatasına - Senata 266 deputat seçiləcək.

Seçki məntəqələri yerli vaxtla saat 09.00-da açılacaq, səsvermə saat 20.00-da başa çatacaq. Seçkilərin yekun nəticəsi mayın 13-də elan olunacaq.

İspaniyada növbədənkənar seçkilərin keçirilməsinin səbəbi siyasi qeyri-stabillikdir. İspaniya Sosialist İşçi Partiyasının 2018-ci ilin iyununda formalaşdırdığı hökumət parlamentdə çoxluq tərəfindən dəstəklənmir. Hökumətin faktiki olaraq bütün fəaliyyəti, o cümlədən 2019-cu il üçün büdcə layihəsi parlamentdə qəbul edilməyib.

Sosioloji sorğulara əsasən, heç bir partiya Konqresdəki 350 yerdən 176-nı qazanaraq hökuməti təkbaşına formalaşdırmaq üçün parlament çoxluğuna sahib olmayacaq.

Qeyd edək ki, seçkilərə 80 partiya və seçki bloku qatılıb. Ancaq onlardan yalnız 10-13-nün parlamentdə təmsil olunmaq şansı var.

 

OXŞAR XƏBƏRLƏR