İtaliya polisi Neapol şəhəri mafiya strukturunun başçısı Marko Di Lauranı həbs edib.
ONA-nın xəbərinə görə, cinayətkar şənbə günü xüsusi əməliyyat nəticəsində tutulub və polisə müqavimət göstərməyib.
İtaliya Daxili İşlər Nazirliyi 2005-ci ildən Marko Di Lauranı ən qatı cinayətkarlar siyahısına daxil edib. Bu siyahıda o, “Koza Nostra” başçısı Matteo Denarodan sonra ikinci yeri tutub.
Di Lauronun bir neçə il əvvəl hüquq-mühafizə orqanlarından gizlənmək üçün plastik cərrahiyə əməliyyatı keçirdiyi və dəfələrlə qadın paltarı geyindiyi bildirilir.
2015-cı ildə Neapolun Apelyasiya məhkəməsi onu ömürlük cəzaya məhkum edib.
