• DÜNYA

    10:29 29 aprel 2019

Keçmiş senator Riçard Luqar vəfat edib

Amerikalı keçmiş senator Riçard Luqar vəfat edib.

ONA-nın məlumatına görə, o, uzun sürək xroniki xəstəliyin ağırlaşması səbəbindən 87 yaşında dünyasını dəyişib.

"1968-1975-ci illərdə İndianapolisin meri, 1977-ci ildən 2013-cü ilə qədər senator olmuş, 2013-cü ildən isə Luqar Mərkəzinə rəhbərlik etmiş 87 yaşlı senator Riçard Luqar aprelin 28-də vəfat edib", - deyə Luqar Mərkəzininin məlumatında bildirilir.

ABŞ-ın tanınmış senatorlarından olmuş R. Liqar silahlanmadan çıxarılmış nüvə və kimyəvi silahların utilizasiya edilməsi proqramının həmmüəliflərindən olub. Senatorlar R. Luqar və Sem Nannın həmmüəllifi olduğui Nann-Luqar proqramı ABŞ Konqresində 1991-ci ildə qəbul olunub.

Proqrama əsasən, ABŞ-a keçmiş SSRİ ölkələrinə silahlanmadan çıxarılmış nüvə və kimyəvi silahların utilizasiyasına yardım etmək hüququ verilirdi.

2003-cü ildə Konqresin proqrama etdiyi düzəliş nəticəsində ABŞ analoji layihələri keçmiş SSRİ-dən kənarda da maliyyələşdirməyə başlayıb.

Proqram nəticəsində Ukrayna, Qazaxıstan və Belarus nüvəsiz respublikaya çevrilib.

Qeyd edək ki, R. Luqar Azərbaycanın dostu kimi də tanınırdı. O, dəfələrlə Azərbaycana səfər etmişdi.

ONA

Teqlər:

SON XƏBƏRLƏR