İraqdakı “Ayn əl-Əsəd” aviabazasına endirilmiş raket zərbələri nəticəsində bir neçə iraqlı xəsarət alıb.
APA xəbər verir ki, bu barədə “CNN” telekanalı İraqın təhlükəsizlik xidmətindəki mənbəyə istinadən məlumat yayıb.
Hücum nəticəsində ölənlərin olub-olmadığı qeyd edilməyib. Həmçinin xəsarət alanların dəqiq sayı da açıqlanmayıb.
Pentaqon sözçüsü Conatan Hoffman yazılı açıqlamasında İranın ABŞ-ın istifadəsində olan azı iki bazaya raket zərbəsi endirdiyini təsdiqləyib. Məlumata görə, “Ayn əl-Əsəd” aviabazası və Erbil şəhərinin hava limanı atəşə tutulub. Hücum zamanı 10-dan çox ballistic raketdən istifadə edildiyi bildirilir. ABŞ qoşunları və koalisiya qüvvələri arasında itkilər barədə hələlik məlumat verilməyib.
