Malinin mərkəzində azsaylı fulani qəbiləsinin nümayəndələrinin yaşadığı kiçik yaşayış məntəqəsində naməlum silahlıların etdiyi hücum zamanı öldürülənlərin sayı 134 nəfərə çatıb.
ONA-nın verdiyi xəbərə görə, bu barədə “Reuters” agentliyi məlumat yayıb.
Bundan əvvəl ölənlərin 110 nəfər olduğu deyilirdi.
Agentliyin məlumatına görə, ölənlərin arasında uşaqlar, hamilə qadınlar və yaşlı insanlar da var.
“Frans Press” agentliyinin yaydığı xəbərə görə, hücumun arxasında doqonlar qəbiləsinin dayandığı ehtimal olunur.
***
Saat 22:27
Malinin mərkəzində Bankas şəhəri yaxınlığında silahlı şəxslər fulani qəbiləsindən olan 110 çobanı qətlə yetirib.
ONA-nın verdiyi xəbərə görə, bu barədə “Reuters” agentliyi şəhərin meri Mulaya Quindonun açıqlamasına əsasən məlumat yayıb.
Merin sözlərinə görə, ovçu geyimində olan naməlum silahlılar gecə vaxtı Bankas yaxınlığındakı Oqossaqu və Velinqara yaşayış məntəqələrinə hücum edərək, orada qətllər törədiblər.
Oqossaqu sakinlərindən biri hücumu 23 Mali əsgərinin öldürülməsinin qisası kimi qiymətləndirib. Həmin hərbçilər “Əl-Qaidə” terror qruplaşması ilə qarşıdurmada həlak olublar.
