Malidə naməlum silahlıların BMT Sülhməramlı qüvvələrinin olduğu avtomobilə hücumu nəticəsində bir sülhməramlı ölüb, daha dörd nəfər yaralanıb.
ONA-nın “TASS” agentliyinə istinadən verdiyi xəbərə görə, bu barədə BMT baş katibinin nümayəndəsi Stefan Düjarrikin yaydığı açıqlamada deyilir.
Bildirilir ki, avtomobil karvanı həmin vaxt Mopti rayonunda, Duentza şəhərindən Boni kəndinə doğru hərəkət edirmiş. Hücumdan əvvəl kustar üsulla hazırlanmış partlayıcı işə düşüb.
“Nəticədə Misirdən olan bir sülhməramlı ölüb, daha dörd nəfər yaralanıb”, - deyə açıqlamada qeyd olunur.
Bundan sonra sülhməramlılar da qarşılıq verib və hücumçulardan biri öldürülüb, da 8 nəfəri saxlanılıb.
Baş vermiş hadisəyə BMT-nin baş katibi Antoniu Quterreş də münasibət bildirərək, ölən şəxsin ailəsinə başsağlığı verib.
