Meksika paytaxtındakı klinikaların birində baş vermiş partlayış nəticəsində 14 nəfər xəsarət alıb.
ONA-nın “RİA Novosti”yə istinadən verdiyi xəbərə görə, bu barədə Mexiko prokurorluğu məlumat yayıb.
“14 nəfərin xəsarət alması ilə nəticələnən partlayışa görə araşdırma aparılır. Həmin klinika Venustiano-Karransa rayonunda yerləşir”, - məlumatda belə qeyd olunur.
O da bildirilir ki, yaralılardan 9 nəfəri qadın, 5 nəfəri kişidir. Güclü partlayış zamanı, həmçinin yaxınlıqda olan altı avtomobilə də ziyan dəyib.
Hadisənin səbəbi hələlik bilinmir. İstintaqçıların ehtimalına görə, partlayış azot və oksigen qazının sızması nəticəsində meydana gəlib.
