Məşhur hind aktyoru və oğlu koronavirusa yoluxub
  • DÜNYA

  • 04:35 12 İyul 2020

Məşhur hind aktyoru və oğlu koronavirusa yoluxub

Məşhur hind aktyoru Amitabh Baççan koronavirus infeksiyası ilə xəstəxanaya yerləşdirilib.

APA “TASS”-a istinadən xəbər verir ki, bu barədə 77 yaşlı aktyor özünün “Twitter” səhifəsində paylaşım edib.

“COVID-19 testim müsbət çıxdı, xəstəxanaya yerləşdirilmişəm, xəstəxana rəsmi orqanları məlumatlandırır, ailəm və heyət də test verib, nəticələri gözləyirik. Son 10 gündə mənim birbaşa yaxınlığımda olanlardan testdən keçmələri xahiş olunur!”, - deyə Baççan öz paylaşımında bildirib.

Bir qədər sonra aktyorun oğlu, aktyor və prodüser, fotomodel və aktrisa, “Dünya gözəli 1994” müsabiqəsinin qalibi Ayşvariya Rayın həyat yoldaşı Abhişek Baççan da “Twitter” sosial şəbəkəsindəki səhifəsində koronavirusa yoluxduğunu yazıb.

Qeyd edək ki, Amitabh Baççan hind kino tarixinin ən nüfuzlu aktyorlarından biridir. O, “Hind Oskarı” adlandırılan “Filmfare Awards” mükafatının 15 dəfə qalibi olub.

Sərxan Kamallı

Teqlər:

OXŞAR XƏBƏRLƏR