İran rəsmi Vaşinqtonun İran İnqilab Keşikçiləri Korpusunu (SEPAH) xarici terror təşkilatları siyahısına salacağı ilə bağlı açıqlamasına reaksiya verib.
ONA-nın Tehran bürosunun məlumatına görə, İran parlamentinin Milli Təhlükəsizlik Komissiyası və Xarici Siyasət Komitəsinin sədri Heşmətullah Fəlahət Pişe bildirib ki, ABŞ SEPAH-ı terror təşkilatları siyahısına salarsa, İran da o ölkənin ordusunu İŞİD terror təşkilatı ilə eyni görəcək və terror təşkilatları siyahısına əlavə edəcəklər.
Qeyd edək ki, ABŞ-ın "Wall Street Journal" nəşri Donald Tramp hökumətinin SEPAH-ı xarici terror təşkilatı kimi tanıyacağını yazıb.
