Rusiyada hərbi təyyarə qəzaya uğrayıb.
TASS-ın məlumatına görə, hadisə Şimali Qafqazda baş verib. Qəzaya uğrayan "Su-25UB" tipli hücum təyyarəsidir.
Təyyarənin hər iki pilotu katapult edib. Onların taleyi hələlik məlum deyil.
Rusiya Müdafiə Nazirliyinin qəza barədə məlumatında bildirilir ki, sentyabrın 3-də Stavropol diyarında planlaşdırılmış təlim-məşq uçuşu zamanı "Su-25UB" tipli təyyarə qəzaya uğrayıb. Xilasedicilər iki pilotun axtarışını davam etdirir. Təyyarə insan olmayan əraziyə düşüb, yerdə dağıntı baş verməyib.
